Rreth 100 aksidente btenda një dite në rrugët e Kosovës

Polica e Kosovës ka njoftuar se vetëm dje janë shqiptuar 2.213 gjoba në trafikun rrugor.

Sipas raportimit të Policisë, kanë ndodhur 91 aksidente trafiku, ku 26 prej tyre ishin me të lënduar, ndërsa 65 vetëm me dëme materiale.

Po ashtu të hënën policia ka arrestuar 21 persona, 14 janë dërguar në mbajtje dhe një në vuajtje të dënimit.

Kujtojmë se në prill të këtij viti, në Kosovë ka hyrë në fuqi Ligji i ri për trafikun rrugor, ligj ky që parasheh masa dhe gjoba të ashpra për shkelësit e rregullave në komunikacion.

Gjobat që parashihen me ligjin e ri janë nga 20 euro deri në 6 mijë euro, gjersa ligji parasheh gjobat të ashpra për ata që tejkalojnë shpejtësinë e lejuar, nuk respektojnë semaforin, nuk vendosin rripin e sigurisë.