Shirat lëkundin tokën, në Veternik shembet një pjesë e rrugës afër banesave

Reshjet e dendura të shiut kanë shkaktuar dëme edhe në disa pjesë të kryeqytetit.

Diçka e tillë ka ndodhur edhe në një rrugë të lagjes Veternik në Prishtinë.

Fillimisht rruga veçse kishte filluar të çahej nga punimet që po bëhen te një objekt aty pranë, ndërsa pas reshjeve të shumta të shiut, ajo është shembur.

Instituti Hidrometeorologjik i Kosovës ka njoftuar se si pasojë e reshjeve të pandërprera të shiut gjatë ditëve të fundit, në disa zona të vendit, konkretisht në pjesën perëndimore (Gjakovë, Junik, Deçan, Malishevë, Klinë), si dhe në pjesën qendrore, janë shkaktuar vërshime lokale, raporton reporteri.