Shqiptari i besimit mysliman shpërndan pako për të krishterët me rastin e festës së Buzmit
Toleranca fetare te shqiptarët. Këtë e dëshmon edhe shembulli i një qytetar të besimit islam në RMV, i cili me rastin e festës së Buzmit, ka shpërndarë pako me dhurata për qytetarët e besimit të krishter, shkruan tetovasot.
“Jeta multifetare në Maqedoni ka rrënjë të thella, por pikërisht gjatë festave ajo është më e dukshme. Tradita e respektimit të njëri-tjetrit pa dallim feje vazhdon. Në frymën e festës më të madhe të krishterë, Krishtlindjeve, besimtarët e besimit mysliman shprehin respekt për fqinjët dhe bashkëqytetarët e besimit të krishterë”.
“Një shembull të tillë të lidhjes së ndërsjellë të qytetarëve përmes besimeve të ndryshme fetare na e tregoi sot bashkëpunëtori dhe miku ynë shumëvjeçar Meti Zhaku, i cili shpërndau pako me fruta dhe perime për qytetarët e besimit ortodoks. Humanizmi, marrëdhëniet harmonike mes njerëzve dhe kërkimi i paqes dhe mirëqenies janë parimet bazë të Islamit. Urimet më të mira për këtë dashamirës!”, thuhet në postim.
Ndryshe, besimtarët krishterë ortodoks në RMV sot festojnë Buzmin, një ditë para festës së madhe Lindjen e Krishtit – Krishtlindjet.
