Shqiptarja 55 vjeçare gjendet e pajetë në banjë – arrestohet bashkëshorti
Në mbrëmje vonë, një burrë thërret fqinjët e tij për ndihmë. Gruaja e tij ishte e shtrirë e palëvizur në banjën e banesës së tyre të përbashkët.
Menjëherë pas kësaj, qendra e thirrjeve kantonale emergjente merr një telefonatë, transmeton albinfo.ch.
Është e mërkurë 12 mars. Dy ditë më parë, kishte ndodhur vrasja.
Ndërsa punonjësit e shpëtimit shkojnë në Obermumpf, bëhen përpjekje për të ringjallur gruan por asgjë nuk funksionoi.
Kështu shkruan në një deklaratë prokuroria publike në kantonin Aargau.
Punonjësit e shpëtimit tentojnë ta ringjallin gruan, por nuk kanë sukses.
Gruaja 55-vjeçare ka ndërruar jetë mbrëmjen e së mërkurës, shkruan gazeta Aargauer Zeitung.
“Për shkak të situatës, autoritetet e zbatimit të ligjit kanë urdhëruar hetime të detajuara në vend dhe ekzaminime mjekoligjore të të ndjerës”, thotë Adrian Schuler, zëdhënës për media në zyrën e prokurorit publik.
60-vjeçari tashmë është në paraburgim
Deklarata e Prokurorisë publike vazhdon se rezultatet fillestare të këtyre hetimeve tashmë flasin për një krim.
Nga këto konstatime u bë arrestimi i bashkëshortit 60-vjeçar.
Ai është shtetas zviceran me prejardhje padyshim kosovar, përcjell albinfo.ch.
Prokuroria publike ka kërkuar tre muaj paraburgim.
Kjo është miratuar. I pyetur nga gazeta AZ, Schuler tha: “Nuk mund të themi asgjë më shumë për momentin.”
“Ti ishe shtëpia jonë, ngushëllimi ynë, lumturia jonë më e madhe…”: Kështu shkruan vajza e të ndjerës në Facebook – një postim që e ka shpërndarë tashmë i arrestuari (!).
Teksti është shkruar në gjuhën shqipe, me sa duket familja vjen nga Kosova, shkruan gazeta.
Rrethanat e sakta janë ende të paqarta dhe janë objekt i hetimeve në vazhdim, thuhet në deklaratë.
Zyra e prokurorit publik Rheinfelden-Laufenburg dhe policia kantonale po kryejnë hetimin së bashku.
Deri në marrjen e vendimit përfundimtar, i akuzuari prezumohet i pafajshëm.
