Shqiptarja nga Zvicra i shkruan Vuçiqit: Kosova është Kosovë

Majlinda Sulejmani

(Letër e hapur për Presidentin Aleksandar Vučić)

Shpresoj që këto fjalë t’ju arrijë. Nuk po ju shkruaj me zemërim dhe as për konsum politik.

Po ju shkruaj si një grua nga Ballkani, si dikush që jeton mes rajonit tonë dhe Evropës dhe që beson se e ardhmja ndërtohet me guxim për ta thënë të vërtetën.

Ju shpesh deklaroni se “Kosova është Serbi”. Unë do të dëshiroja ta diskutojmë këtë jo me slogane, por me ligj dhe me realitet.

Në vitin 2010, Gjykata Ndërkombëtare e Drejtësisë e bëri të qartë se shpallja e pavarësisë së Kosovës nuk ka shkelur të drejtën ndërkombëtare.

Parimi i vetëvendosjes është pjesë e rendit juridik ndërkombëtar dhe Evropa moderne ndërtohet mbi stabilitet, mbi institucione funksionale dhe mbi respekt reciprok.

Sot Kosova ekziston si realitet politik dhe institucional. Qytetarët e saj jetojnë këtë realitet çdo ditë.

Dialogu i ndërmjetësuar nga Bashkimi Evropian ka për qëllim normalizimin dhe stabilitetin, jo kthimin mbrapa të historisë.

Unë nuk kam frikë nga debati. Përkundrazi, besoj se një debat i hapur dhe i bazuar në argumente juridike do t’i shërbente më shumë rajonit sesa deklaratat që prodhojnë tension.

Sepse në fund, politika e shekullit XXI nuk matet me pretendime territoriale, por me aftësinë për të garantuar paqe, siguri dhe zhvillim për qytetarët.

Ballkani ka nevojë për lidership që sheh përpara. Edhe ju e dini se stabiliteti nuk ndërtohet duke mohuar realitetin, por duke e pranuar atë dhe duke ndërtuar mbi të.

Pas çdo debati serioz, do të mbetet një fakt i thjeshtë: Kosova është Kosovë.

Me respekt, por me qëndrim të qartë.