Sqaron Ismaili: Nuk ka pasur bastisje në PDK

Sekretari i Përgjithshëm i PDK-së, Uran Ismaili, ka përgënjeshtruar lajmin e dhënë nga disa media rreth aksionit të sotëm të EULEX-it, duke sqaruar se nuk ka pasur kurrëfarë bastisje në selinë e kësaj partie.

“Nuk ka bastisje ne PDK. Nuk kemi pranuar asnjë urdhëresë nga misioni i Eulexit apo Policia e Kosovës për bastisje në PDK. Pra, në PDK nuk ka pasur dhe nuk ka asnjë lloj bastisje”, ka thënë Ismaili.

Zyra e Prokurorit të Specializuar në Hage ka njoftuar të premten se aktualisht është duke kryer operacione në Kosovë.

Në njoftim shtohet se operacionet po kryhen me mbështetjen e Policisë së Kosovës dhe Misionit të Bashkimit Evropian për sundimin e ligjit, EULEX.