Theret me thikë djali i gazetarit Mustafa Nano

Një person është plagosur me thikë sot në rrugën “Barrikada” në kryeqytet. Personi i plagosur rezulton të jetë Gerian Nano, 34-vjeç, djali i gazetarit Mustafa Nano, autor i emisionit ‘Provokacija’.

Ende nuk dihen rrethanat e ngjarjes dhe as identiteti i autorit. I plagosuri është dërguar në spital ku po merr ndihmën e nevojshme mjekësore dhe mësohet se ndodhet jashtë rrezikut për jetën.

“Më datë 25.08.2021, rreth orës 14:40, në Rrugën e Barrikadave, në rrethana ende të paqarta është dëmtuar me mjet prerës (thikë) shtetasi G. N. 34 vjeç, i cili ndodhet në spital, nën kujdesin e mjekëve.

Grupi hetimor ndodhet në vendngjarje dhe punon për sqarimin e rrethanave të ngjarjes dhe si dhe identifikimin e kapjen e autorit,” njoftoi policia.