Tragjedi për çiftin shqiptar në Greqi, makina i tërheq zvarrë vajzën e tyre 5 vjeçare

Qyteti i Lechaina në Greqi është zhytur në hidhërim nga vdekja tragjike e 5 vjeçares, Claudia të hënën pasdite.

Sipas mediave greke fëmija ndodhej në buzë të serave ku punonin prindërit e saj, afër rrugës dhe po mblidhte lulëkuqe.

Por një makinë e tërhoqi zvarrë dhe goditi 5 vjeçaren për vdekje.

Të gjithë punëtorët që ndodheshin atje u tronditën.

Vajza e vogël u dërgua në Qendrën Shëndetësore Barda por edhe me përpjekjet e mjekëve ndërroi jetë.

Drejtuesi i automjetit u arrestua dhe u dërgua në stacionin policor Andravida Kyllini.

Prindërit e vajzës së vogël, Bledi dhe Dorina ndodhen në Greqi për më shumë se tridhjetë vjet.

Ata njihen si njerëz shumë të dashur nga komuniteti lokal ku ata jetojnë.