Uashingtoni u kërkon amerikanëve të mos udhëtojnë në Zvicër

Autoritetet amerikane kanë këshilluar shtetasit e tyre që të mos udhëtojnë në Zvicër, për shkak të gjendjes shëndetësore të lidhur me Covid-19 në këtë vend.

Në një buletin të lëshuar të hënën, Departamenti i Shtetit ngriti nivelin e tij të alarmit zviceran në nivelin 4, duke u bërë thirrje amerikanëve “të mos udhëtojnë” në Zvicër.

Autoritetet shëndetësore amerikane kanë kërkuar gjithashtu “të shmangin të gjitha udhëtimet në Zvicër”.

“Nëse ju duhet të udhëtoni për në Zvicër, sigurohuni që të jeni plotësisht të imunizuar para se të udhëtoni,” thuhet në një fletëpalosje të Qendrave për Parandalimin dhe Kontrollin e Sëmundjeve (CDC), agjencia kryesore shëndetësore amerikane.

Shtetet e Bashkuara kishin lëshuar tashmë një njoftim të ngjashëm më 10 gusht për Francën, përsëri për shkak të rritjes së numrit të rasteve të Covid-19.

Zvicra ka 2,702 raste të reja me  koronavirus në 24 orët e fundit, sipas shifrave nga Zyra Federale e Shëndetit Publik. Gjatë të njëjtës kohë, 11 vdekje shtesë janë regjistruar dhe 79 pacientë janë shtruar në spital. /MLH