Vdes avokati i njohur kosovar

Ka ndërruar jetë avokati i njohur nga Mitrovica, Kapllan Baruti. Njoftimin e kja dhënë Oda e Avokatëve të Kosovës, e ckila ka thënë se humbi një anëtar të saj.

Ky është njoftimi i Odës:

Varrimi i të ndjerit do të bëhet sot, me datë 19.07.2020 në ora 16:00, në varrezat e muslimanëve në veri të Mitrovicës.

Oda e Avokatëve të Kosovës, i shpreh ngushllimet më të sinqerta familjarëve, miqve dhe kolegëve të tij.

Avokati, Kapllan Baruti u lind në vitin 1942 në Komunën e Mitrovicës. Fakultetin Juridik e kishte përfunduar në Universitetin e Beogradit në vitin 1966, ndërsa provimin e Jurisprudencës e kishte dhënë me datë 17.06.1969 në Prishtinë. Gjatë viteve 1999-2010 kishte punuar si kryetar i Gjykatës së Qarkut në Mitrovicë.

Avokati Kapllan ushtroi profesionin e avokatit që nga data 05.10.2010 me seli të zyrës në Mitrovicë.

Nga Covid 19, dje humbi jetën në Prishtinë një gjykatës, ndërsa në Gjilan, një prokruror./mediafokus.info