Vdes edhe një pacient me COVID-19 në Kosovë

Një pacient i moshës 69-vjeçe nga komuna e Sukarekës mbrëmë ka ndërruar jetë në Klinikën Infektive të QKUK.

Sipas raportit të Klinikës Infektive, i ndjeri kishte pasur edhe sëmundje të tjera shoqëruese.

Sipas raportit 24 orësh, në Klinikën Infektive po trajtohen 53 raste  pozitiv me Covid-19, kurse janë shëruar 3 pacientë.

Gndja e pacientëve të sëmurë me Covid -19 është si vijon:

39 raste janë në gjendje stabile, 12 raste janë në trajtim me oksigjenoterapi dhe përkujdesje intensive.

Në mjekimin intensiv të klinikës janë 3 pacientë në gjendje kritike, prej të cilëve njeri është në oksigjenoterapi dhe përkujdesje intensive si dhe dy pacientë janë në ventilim mekanik.

Në Mjekimin Intensiv të Klinikës Infektive, mbrëmë pas mesnatës ka ndërruar jetë pacienti 69 vjeçar nga komuna e Sukarekës, i cili ishte pranuar me 10/04/2020 në gjendje të rëndë dhe  kishte edhe probleme kardiake.

Ky është rasti i nëntë në Kosovë që vdes nga Covid 19./mediafokus.info