Vdes një 22-vjeçar në Gjilan, dyshohet se ka rënë nga një objekt
Një 22-vjeçar në Gjilan ka vdekur pasi dyshohet se ka rënë nga banesa e tij.
Ngjarja ka ndodhur në ora 15:54, ku personi tashmë i ndjerë është parë i shtrirë në rrugë.
Lajmin e ka konfirmuar Ismet Hashani, zëdhënës i Policisë së Kosovës për rajonin e Gjilanit.
”Ju njoftojmë se sot me datë 08.08.2023 rreth orës 15:54 policia e Kosovës në Gjilan është njoftuar se në rr. “Abdulla Presheva” – Gjilan është gjetur një person i shtrirë në rrugë në gjendje të rëndë shëndetësore”.
Viktima (M.K.SH 22 vjeçar) dyshohet të ketë rënë nga dritarja e banesës së tij. I njëjti është dërguar në Qendrën emergjente në Gjilan me urgjencë i përcjell nga patrulla e Policisë, ku edhe përkundër përpjekjeve të mjekeve për t‘i ofruar ndihmë mjeku kujdestar ka konfirmuar se ai ka ndërruar jetë. Në vendin e ngjarjes kanë dal njësitet relevante nga stacioni policor i Gjilanit dhe Hetuesit rajonal të policisë së Kosovës”, ka thënë Hashani.
”Rrethanat se si ka ardhur deri te ky rast i rëndë janë duke u hetuar nga policia e Kosovës në bashkëpunim me prokurorin e shtetit. Prokurori ka urdhëruar që trupi i viktimës të dërgohet në IML në Prishtinë dhe rasti është cilësuar “Vdekje e dyshimtë”, ka deklaruar ai.
