Vdes njëri nga dy personat që ranë në bunar

Bledar Bregu, 33-vjeç dhe Besnik Veliaj, 38-vjeç, kanë rënë paraditen e sotme në një bunar derisa po punonin.

Dyshohet se Bregu dhe Veliaj mund të jenë asfiksuar nga gazi që lëshonte pompa me të cilën po bënin shpimin e pusit.

Fatkeqësisht Besnik Veliaj ka ndërruar jetë ndërsa dërgohej në spital, kurse Bledar Bregu po merr aktualisht kujdes shëndetësor.

Nga spitali i Fierit mësohet se gjendja e 33-vjeçarit është e mirë dhe në kontroll nga mjekët.

Njoftimi

Sot, rreth orës 11:40, në fshatin Lofkënd, duke pastruar në një pus uji kanë rënë shtetasit B. B., 33 vjeç dhe B. V., 38 vjeç. Në vendngjarje shkuan shërbimet e Policisë dhe forcat e zjarrfikëse të cilët bënë të mundur nxjerjen e dy shtetasve nga pusi me shenja jete, dhe po transportohen në spital për ndihmë mjekësore.

Grupi hetimor po punon për zbardhjen e rrethanave të ngjarjes.