Vritet me thikë një 15-vjeçar në Prizren

Një 15-vjeçar ka mbetur i vdekur si pasojë e plagëve të marra nga goditja me thikë gjatë një përleshje mes disa të miturve.

Zyra për Informim e Policisë në Prizren ka bërë të ditur se sot rreth orës 10:10, në rrugën “Ylber Fanaj” në Prizren, pas një përleshje ndërmjet pesë personave të mitur, njëri nga të miturit i dyshimtë e ka goditur viktimën L.B me mjet të prehtë përkatësisht thikë duke i shkaktuar lëndime serioze që për pasojë viktima ka ndërruar jetë.

Në vendin e ngjarjes ka dalur mjeku kujdestar i emergjencës i cili ka konstatuar vdekjen e viktimës.

Policia dhe prokurori i shtetit se bashku me forenzikën kanë dalur në vendin e ngjarjes të cilët kanë kryer edhe ekzaminimin e vendit të krimit.

Viktima me urdhër të prokurorit është dërguar për obduksion në IML Prishtinë.

Rasti është duke u hetuar nga njësia hetimeve rajonale në Prizren, thuhet në njoftimin e policisë.