Zbulohet një video tronditëse nga ndeshja Portugali-Slloveni
Është publikuar një video e regjistruar në një ndeshje të Euro 2024 në Frankfurt në të cilën tre roje sigurie mbajnë një tifoz ndërsa një i katërt e godet me grushte dhe shqelma.
Rasti tani është duke u hetuar nga policia gjermane.
Në fillim të videos shihet se si rojet e sigurisë e kanë mbajtur një person në dysheme me fytyrë poshtë, ndërsa tjetrin e kanë shtypur për mur dhe e rrahin.
UEFA tha gjithashtu se ishte në dijeni të incidentit midis stjuardëve dhe tifozëve në ndeshjen Portugali-Slloveni dhe se “dënon çdo sjellje të dhunshme”.
“Ngjarja në video tani është objekt i një hetimi policor. UEFA nuk është në gjendje të bëjë komente të mëtejshme derisa hetimi të përfundojë”, thanë ata.
Deklarata është bërë edhe nga organizata Football Supporters Europe, e cila përfshin grupe tifozësh nga i gjithë kontinenti dhe bashkëpunon me UEFA-n. “Kushdo që konstatohet se është përgjegjës nuk ka vend në stadium dhe duhet të përgjigjet për veprimet e tyre”, thanë ata.
Meqë ra fjala, në ndeshjen e 1/16-ave, Portugalia mundi Slloveninë në kohën shtesë, pasi ndeshja përfundoi 0-0 pas lojës së rregullt./paparaci
