Zhurma në kryeqytet, nga e hëna pasojnë gjoba për “zhurmuesit”
Zhurma e lartë e muzikës në lokalet e natës është bërë shqetësim i vazhdueshëm për banorët në kryeqytet.
Por shumë shpejt atyre që shkelin rregulloren, duke mos respektuar decibelët e lejuar do t’u shqiptohet gjobë prej 500 deri në 5,000 euro.
E lidhur me këtë sot ka shkruar kryetari i komunës së Prishtinës, Përparim Rama.
Ai ka vizituar sot dhomën e monitorimit të ndotjes akustike në Inspektoriatin e Kryeqytetit.
“Nga e hëna fillojmë edhe zyrtarisht punën dhe duke u bazuar në rregulloren e miratuar në Kuvend, të gjitha lokalet e gastronomisë në Kryeqytet, të cilat nuk respektojnë decibelët e lejuar do të gjobiten”, shkruan Rama në Facebook.
