228 km/h në autostradë, gjobitet me 300 euro dhe ndalesë vozitjeje
Policia e Kosovës ka gjobitur një shofer pasi në autostradë nuk ka respektuar kufizimin e shpejtësisë.
Sipas njoftimit, ai ka drejtuar mjetin me shpejtësi 228 km/h në zonën ku kufizimi i shpejtësisë është 120 km/h.
Nga policia ai është gjobitur me 300 euro, tri pikë negative si dhe tre muaj ndalesë vozitjeje.
“Mos respektimi i kufizimit të shpejtësisë! Njësia për Kontroll të Autostradave në zonën ku kufizimi i shpejtësisë është 120 km/h ka identifikuar shoferin duke drejtuar mjetin me shpejtësi 228 km/h, i njëjti është gjobitur me 300 euro, tri pikë negative dhe tre muaj i është ndaluar drejtimi i mjetit me veprim motorik”, thuhet në njoftimin për media.
