Trump rivalizon OKB-në: Bordi i Paqes mund ta zëvendësojë atë
Presidenti Donald Trump ka deklaruar së fundmi se Bordi i Paqes, iniciativa e tij ndërkombëtare për paqë dhe rindërtim, mund të zëvendësojë Organizatën e Kombeve të Bashkuara si platformë kryesore për çështjet globale të sigurisë dhe paqes.
Ky bord, i cili po promovohet nga administrata Trump, synon të ofrojë një strukturë alternative për koordinimin e projekteve ndërkombëtare dhe mbështetjen e paqës në rajone të ndjeshme, si Gaza.
Trump ka përmendur se disa vende tashmë kanë shprehur gatishmërinë për t’u angazhuar në këtë iniciativë, ndërsa të tjera mbeten të kujdesshme.
Ekspertët e marrëdhënieve ndërkombëtare vënë në dukje se deklarata e presidentit është më shumë një shprehje politike sesa një ndryshim i vërtetë institucional, pasi OKB-ja vazhdon të jetë institucioni kryesor ndërkombëtar për bashkëpunim dhe siguri.
Ndërkohë, Bordi i Paqes mbetet ende në fazën e formimit dhe nuk ka një mandat të njohur gjerësisht nga komuniteti ndërkombëtar.
Trump ka theksuar se qëllimi i këtij bordi është të ofrojë një qasje më efikase dhe të drejtpërdrejtë për zgjidhjen e konflikteve, duke e pozicionuar atë si një alternativë potenciale ndaj strukturave ekzistuese ndërkombëtare.
