Çitaku: Kurti ndjen nevojë të madhe për të nënshtruar, poshtëruar dhe për të imponuar veten si autoritet

Sekretarja e PDK-së Vlora Çitaku, mbrëmë në emisionin Rubikon ka deklaruar se po të mos kishte qenë reagimi i fuqishëm politik dhe qytetar, Lëvizja Vetëvendosje do të vazhdonte skenarin e saj për përmbysjen, siç tha ajo, të rendit kushtetues.

“Për të zgjedhur zonjën Rushiti presidente, duke qenë plotësisht të vetëdijshëm se ka qenë një ndërmarrje tërësisht antikushtetuese. Z. Kurti nuk brengoset aq shumë për rregullat, nuk është vetëm çështje e rregullave dhe e ligjit se respektimi i tyre nuk do të duhej të ishte as temë”, tha Çitaku

Sipas saj, Kurti ndjen nevojë të madhe për të nënshtruar, poshtëruar dhe për të imponuar veten si autoritet.