Vëllezërit Murati kanë arritur karrierë të pasur në SHBA

Besim dhe Bashkim Murati janë dy sportistë shqiptarë nga Gjilani, të cilët, një  karrierë sportive të  nisur në  vendlindje e kanë avancuar dhe realizuar në Shtetet e Bashkuara të Amerikës.

Falë punës dhe talentit, ata kanë arritur të shpallen dhe kampionë të sporteve luftarake.

Dy vëllezërit Murati kanë emigruar në SHBA rreth vitit 2002 dhe nga ajo kohë ata kanë bërë shumë për sportin dhe sportistët shqiptarë.

Besimi edhe Bashkimi janë kampionë bote në karate.

Gjatë pandemisë, ata u kthyen në vendlindje, duke dhënë dhe kontributin e tyre.

“Ne kemi familje që kanë nevojë për kujdesin tonë dhe me mundësitë tona kemi shpërndarë ndihma”, shprehet Besimi.