A është e mundur të sëmuremi me grip dhe Covid në të njëjtën kohë?

Ekspertët parashikuan dhe shpresuan që falë masave kundër Covid, shumë njerëz nuk do të infektoheshin me grip.

Gripi zakonisht e arrin kulmin në muajin shkurt, kështu që për momentin nuk paraqet ndonjë rrezikshmëri të lartë, por duhet thënë se kjo nuk e përjashton mundësinë e një “twindemic” – infektimi me dy viruse njëkohësisht.

Ekspertët e sëmundjeve infektive kanë paralajmëruar se një pjesë e konsiderueshme e popullsisë mund të sëmuret me me Covid dhe grip brenda pak javësh ose në rastin më të keq, në të njëjtën kohë. Si është e mundur kjo?

Një infeksion koronavirus-grip është i mundur sepse të dy viruset lidhen në pjesë të ndryshme të trupit. Ata nuk po “garojnë” me njëri-tjetrin kur bëhet fjalë për të infektuar qelizat tona.

Zakonisht, kur viruset dëmtojnë zona të ndryshme të organizmit, pasojat janë më të rënda. Specialistët thonë se këta njerëz janë më të sëmurë se të tjerët dhe u duhet më shumë kohë për t’u shëruar.

Gripi mund të dëmtojë trupin në mënyrë të ngjashme me Covid-19: të dy shkaktojnë uljen e niveleve të oksigjenit në gjak, probleme me frymëmarrjen dhe inflamacion.

Rreziku pritet të jetë më i madh në mesin e njerëzve më të ndjeshëm ndaj secilit virus – siç janë të moshuarit dhe njerëzit me probleme themelore shëndetësore si mbipesha, kanceri dhe sëmundjet e mushkërive, anabel.

Përgjigjja imune mund të mos funksionojë për të dy, ose të mos jetë e mjaftueshme. Përgjigjja për njërin virus mund të mos jetë e duhura për tjetrin, gjë që i bën simptomat e sëmundjeve më agresive.