Adoleshenti u vra nga policia, ia pa sherrin një arme lodër
Një adoleshent në Florida të Shteteve të Bashkuara u vra nga policia, shkaku i një arme lodër.
Djaloshi Alexander King, nxënës i klasës së njëmbëdhjetë në shkollën “Tarpon Springs”, armën po ua drejtonte veturave, shkruan Fox News.
Hetuesit thanë se policia mori disa thirrje për një burrë me armë të stilit ushtarak që po ua drejton veturave.
Kur policët arritën në vendin e ngjarjes, i riu e kishte ngritur armën dhe ua kishte drejtuar, tha komandanti rajonal i policisë, Jeff Young.
Policët u fshehën pas një veture dhe qëlluan disa herë në drejtim të adoleshentit.
Oficerët kishin marrë raportime se King mund të kishte armë të modelit AK-47, por komandanti i policisë tha se në të vërtetë, i riu kishte armë që përdoret në një lloj loje.
Policët e përfshirë në rast janë ndëshkuar me pushim administrativ përderisa autoritetet e hetuesisë në Florida po e hetojnë rastin.
Adoleshenti i vrarë në të kaluarën kishte pasur 22 përballje me policinë, përfshirë një arrestim për sulm fizik më 2017 ndaj një punëtori të shkollës dhe një sulm me armë vdekjeprurëse në vitin 2018. (foto arkiv).
