Aksident në rrugën Prishtinë-Ferizaj, humb jetën një person
Një aksident i rëndë ka ndodhur sot rreth orës 13:15, në rrugën Prishtinë- Ferizaj, ku janë përfshirë një kamion dhe një veturë.
Si pasojë e këtij aksidenti ka ndërruar jetë një person.
Kështu i tha Gazetës Express zëdhënësja e Policisë për rajonin e Prishtinës, Flora Ahmeti.
“Sot rreth orës 13:15 kemi pranuar informatën se në rrugën Prishtinë – Ferizaj, ka ndodhur një aksident trafiku me pasoja fatale.
Në këtë aksident kanë qenë të përfshira, dy automjete (një kamion dhe një veturë), të cilat kanë qenë në lëvizje.
Si pasojë e aksidentit lëndime trupore kanë pësuar një person e cila nuk ka arritë të përballojnë plagët dhe i njëjti ka ndërruar jetë.
Vdekjen e ka konstatuar ekipi mjekësor në vendin e ngjarjes.
Me rastin po merret hetuesia nga njësiti i trafikut rrugor.”
