Arrestohet asamblisti i Vetëvendosjes, Berat Lahu, dyshohet për “ushtrim ndikimi”
Prokurori i rastit “Brezovica”, Rasim Maloku, ka konfirmuar për Gazetën Express arrestimin e asamblistit të Lëvizjes Vetëvendosje në Komunën e Prishtinës, Berat Lahu.
Prokurori Rasim Maloku tha se Lahu dyshohet për veprën penale “Ushtrim ndikimi”.
Aksioni është duke vazhduar dhe deri më tani numri i të arrestuarve ka shkuar në shtatë, sipas prokurorisë personat e prangosur dyshohen kryesisht për mmarrje dhe dhënie ryshfeti.
Aksioni i policisë bashkë me Prokurorinë e Ferizajt ka nisur herët në mëngjes dhe është kryer bastisje të paktën në 11 lokacione, duke u theksuar se bastisje pati edhe në lagjen “Velania” në Prishtinë.
