Arrestohet një polic për mospërfillje të urdhrave për pandeminë Covid-19

Inspektorati Policor i Kosovës (IPK) ka njoftuar se dje kanë arrestuar një zyrtar policor dhe i njëjti është suspenduar nga puna, për shkak të mos zbatimit të zbatimit të masave kundër pandemisë.

“Hetuesit e Inspektoratit Policor janë njoftuar dje në orët e mbrëmjes  nga policia lidhur me dyshimet se një zyrtar policor jashtë detyrës zyrtare (me gradën e togerit) nuk ka përfillur urdhrat bazuar në vendimet qeveritare lidhur me pandeminë Covid 19”

“Personi i dyshuar në këtë rast – zyrtari policor, është arrestuar nga Inspektorati Policor me dyshimin se ka kryer veprën penale “Mosveprim sipas dispozitave shëndetësore gjatë epidemisë” kurse me vendim të prokurorit të njëjtit i është caktuar masa e ndalimit për 48 orë si dhe është suspenduar nga detyra”, thuhet në njoftimin e IPK./mediafokus.