Arrestohet një punëtor i Postës, dyshohet se ua mori pensionet 10 familjeve

Policia e Kosovës ka arrestuar para pak minutash një punëtor të Postës së Kosovës (emër i njohur për redaksinë) në Gjilan, raporton Mediafokus.info.

Ai dyshohet se ua tërhoqi pensionet më shumë se dhjetë familjeve me gjendje të rëndë sociale gjatë muajit që shkoi.

Burime brenda Policisë në Gjilan, i kanë thënë Mediafokus.info se i arrestuari u ka thënë familjeve përfituese të pensioneve se ‘këtë muaj nuk u dalin pensionet, por në muajin tjetër dalin dy pensione’.

Mediafokus.info do t’ju mbajë të informuar për detajet e këtij rasti./Mediafokus.info/