Arrestohet punëtori i një pompe derivatesh, vodhi mbi 6000 euro në vendin e punës

Policia e Kosovës ka arrestuar një person në fshatin Banulle të Graqanicës, pasi i njëjti dyshohet se vodhi mbi 6000 euro në vendin e tij të punës.

“Ankuesi mashkull kosovar, ka informuar se punëtori i tij i dyshuari mashkull kosovar, kishte vjedhur 6365 euro nga arka e pompës së derivateve”, thuhet në raportin e policisë.

Sipas policisë, të dyshuarit i janë gjetur parat e vjedhura dhe me vendim të prokurorit është dërguar në mbajtje.