Dan Hutra: Një fëmijë më njohu, por nuk e vrava

Hutra është ndalur në një market për të blerë ujë dhe tha se në ekranin e televizorit pa foton e tij, pasi ishte shpallur në kërkim.

40-vjeçari deklaroi se fëmija që ndodhej në market e kishte njohur dhe se ai vendosi që mos ta vriste.

“Unë jam larguar më pas për në Kombinat, ku kisha planifikuar edhe një vrasje tjetër.

Rrugës më ka rënë sheqeri dhe ndalova në një dyqan për të blerë ujë. Aty pashë që në televizor ishte fotoja ime, në një ekran.

Fëmija që ishte në market më duket se më ka njohur, por unë nuk e vrava”, u shpreh ai.

Dëshmia e Dan Hutrës

Në fillim shkova tek Marjana Gurakuqi, të cilën e kam pasur të dashur 15 vite më parë. Unë atë e kam dashur shumë dhe e kam besuar për cdo gjë.

Më pas kam ikur në Gjermani dhe u ktheva me 80 mijë euro, qe ia dhashë Marjanës në mirëbesim që të m’i ruante.

Kur erdha nga Gjermania ajo më tha se ishte martuar dhe lekët nuk i kishte më. Pastaj i kërkova disa herë që të më kthente shumat e parave, por ajo nuk e bëri.

Për këtë shkova që ta vras, e kam goditur disa herë me thikë dhe kam ikur.

Më pas jam nisur për në banesën e Elenës. Doja ta vrisja sepse unë i kërkova disa herë që të bënte ADN e fëmijës, edhe nga burgu i kisha dërguar mesazhe, por ata nuk pranuan.

Pasi shkova në banesë kam qëlluar me thikë dhe me armën që kisha me vete. Unë ika më pas për në banesën e Vladimir Kurtit, me të pata konflikte dhe e kisha paralajmëruar se do i bëja diçka të afërmve të tij.

Në banesë, gjeta një vajzë që e pyeta se kush ishte dhe çfarë e kishte Vladimirin, kur më tha se e kishte vëlla, e qëllova atë me armë.

Unë jam larguar më pas për në Kombinat, ku kisha planifikuar edhe një vrasje tjetër.

Rrugës më ka rënë sheqeri dhe ndalova në një dyqan për të blerë ujë. Aty pashë që në televizor ishte fotoja ime. Fëmija që ishte në market më duket se më njohu, por unë nuk e vrava.

Vazhdova rrugën për në vendin ku do realizoja vrasjen tjetër. Vendosa të rrija i fshehur dhe vrasjen ta bëja në mëngjes.