Ditë të vështira i presin ata që pasurinë e tyre e kanë krijuar pa djersë

Ministrja e Drejtësisë, Albulena Haxhiu, ka bërë të ditur se kanë proceduar në Qeveri koncept dokumentin për konfiskimin e pasurisë së pajustifikueshme i cili i hap rrugë hartimit të projektligjit për konfiskimin e pasurisë së pajustifikueshme. 

Ajo përmes një postimi në Facebook thotë se lufta ndaj korrupsionit është prioritet i Qeverisë.

Postimi i saj:

Sapo finalizuam dhe e proceduam në Qeveri koncept dokumentin për konfiskimin e pasurisë së pajustifikueshme i cili i hap rrugë hartimit të projektligjit për konfiskimin e pasurisë së pajustifikueshme.

Lufta ndaj kriimit të organizuar dhe korrupsionit është prioritet i Qeverisë tonë prandaj edhe do ta fuqizojmë bazën ligjore kundër korrupsionit si dhe do fuqizojmë kapacitetet e institucioneve të drejtësisë në luftën e tyre ndaj kriimit të organizuar e korrupsionit.