‘Puna e djepit’ – ishte problematizuar edhe nga neurologu Myftiu në janar të këtij viti
Djepi ka qenë një ndër dhuratat më të çmuara, duke zënë një vend të veçantë në kulturën shqiptare. Ai është përdorur si shtrat i fëmijëve.
‘Puna e djepit’ nuk u problematizua sot për herë të parë. Neurologu Blerim Myftiu kishte folur në janar të këtij viti për pasojat që mund t’i shkaktojë djepi te zhvillimi i fëmijës.
Shkrimi më poshtë po e risjellim ashtu siç e kemi botuar më 26 janar 2021.
Në kohë të vjetra djepi është punuar prej gurit, kurse më vonë është zëvendësuar prej drurit, duke u trashëguar edhe te gjeneratat e reja.
Ndërkaq në ditët e sotme, përdorimi i djepit vjen duke u rralluar.
Ndonëse djepi konsiderohet si nxitës i gjumit, ai në aspektin shëndetësor mund të sjellë disa çrregullime.
Neurologu Blerim Myftiu tregon pasojat që mund t’i sjellë përdorimi i djepit te foshnjat.
Kur fëmija të vendoset në djep, lidhet pjesa e kërdhokullave dhe bashkohen këmbët mes vete.
Duke e cilësuar këtë si diçka të dëmshme, ortopedi Cen Bytyqi thotë se fëmija duhet të bëjë gjumë sa më të lirshëm.