Drita, fituese morale e ndeshjes

Shkruan: Fehmi SYLEJMANI

Pavarësisht se mbrëmë Drita pësoi disfatë në minuatat shtesë kundër 19 herë kampionit të Holandës dhe skuadrës shumëfish më të vlerësuar në tregjet e futbollit botëror, Feyenoordit, skuadra gjilanase ishte padyshim fituese morale e këtij ballafaqimi tejet dramtaik.

Drita në këtë ndeshje dëshmoi se ka ngritje të lartë të cilësisë, është në rrugë të mbarë të krijimit të një skuadre stabile dhe të fortë, di mirë ta lexojë lojën e kundërtsharit dhe ta menaxhojë mirë rrjedhën e lojës.

Shpirti luftarak i saj ishte në piadestalin më të lartë, aplikoi lojë me kundërsulme të rrezikshme, e që besa vetëm fati mbrëmë u mungoi.

Me këtë paraqitje dinjitoze, skudra bardhë e kaltër e bëri krenar gjithë vendin, duke i lënë të stepur deri në momentat e fundit më së shumti tifozët e Feynordit, e mbase edhe krejt ekspertët dhe skeptikët e futbollit.

Për këtë paraqitje kaq mbresëlënëse për Dritën, komplimente pa numër u shkojnë në radhë të parë akterëve kryesorë – lojtarëve, stafit teknik, udhëheqësisë së klubit dhe s’do mend edhe tifozëve të flaktë – ‘intelektualëve’.

Duhet gjithsesi të potencojmë se Kosova është vendi me i ri pjesëmarrës në Kupat e Evropës dhe çdo përvojë në këtë garë prestigjioze ka peshën dhe vleren e saj.

(Autori është opinionist dhe njohës i rrjedhave të futbollit)