Dy mbrojtësit shqiptarë afër transferimit në Napoli

Është bërë e ditur se klubi Italian, Napoli po bëhet gati për një goditje të trefishtë në afatin kalimtar të janarit.

Sipas informacioneve thuhet se drejtuesit e dy skuadrave kanë pasur kontakte që nga dita e Krishtlindjes mes Cristiano Giuntolit, drejtorit sportiv te Napolit, dhe atij në Veronës, Tony D’Amico.

Tre janë emrat që i interesojnë Napolit janë Amrabat, Rrahmani dhe Kumbulla.

Thuhet se për dy të parët, palët e kanë gjetur gjuhën e përbashkët.

Mësohet se Rrahmani do të bëhet i Napolit për 12 milionë euro, por do të qëndrojë deri në fund te sezonit Verona në formë huazimi dhe formalizimi i i marrëveshjeve pritet të ndodhë në 10 ditëshin e dytë të muajit janar, pasi Napoli të zgjidhë dhe disa situata kontraktuale me lojtarët që ka në organikë, shkruan Top Channel.

Ndërsa për Kumbullën, thuhet se edhe pse ka interes konkret, bisedimet do të vijojnë gjatë muajve në vazhdim dhe në varësi të ecurisë së 19-vjeçarit 1 metrër e 90 centimetra i gjatë, do të bëhet edhe oferta e Napolit.

Futbollisti i Kombëtares Shqiptare do të monitorohet me kujdes nga Napoli, ndeshje pas ndeshjeje, deri në përfundim të sezonit, përcjell albinfo.ch.