Edhe një deputet i LDK-së infektohet me COVID-19

Deputeti i Kuvendit të Kosovës, Shkumbin Gashi, është deputeti i radhës nga Lidhja Demokratike të Kosovës që është infektuar me COVID-19.

Lajmin e ka konfirmuar vetë Gashi përmes një postimi në Facebook.

Gashi tha se nuk ka pasur simptoma mirëpo është vetizoluar për shkak se ka pasur kontakte me disa persona të cilët më parë kanë dalë pozitiv.

Ai tha se do të vazhdojë që të qëndrojë i vetëizoluar.

Tutje, Gashi bëri apel të bëhet kujdes, të mbahen maskat dhe të mos bëhet panik.

Më poshtë gjeni njoftimin e plotë të Gashit:

Të dashur miq e familjar,
ju njoftoj se qe nga e Hena jam veteizolur me qellim te parandalimit te perhapjes se virusit pasi qe kam dyshuar pas disa kontakteve qe kam pasur. Dhe jo qe kam pasur ndonje shenje apo simptome te virusit.
Pasi qe kam rezultuar Pozitiv, vazhdoj te jem i vetizoluar prap pa shenja apo simptoma te ketije virusi tinzar.

BENI KUJDES, JO PANIKE!
Mbani MASKA ✌️