Fero përmes Noterit ia kishte hequr të drejtën e udhëtimit me vajzën ish-bashkëshortes Arbenita Ismajlit
Arbenita Ismajlit, ish-bashkëshortja e reperit Feronit Shabanit, i njohur si Fero, i është revokuar autorizimi për vajzën e tyre, me vendim të Noterit.
“Autorizimi LRP Nr. 569/2024, i përpiluar dhe vërtetuar pranë kësaj zyre noterale me datë 08.02.2024, sipas të cilit autorizuesi z.Feronit Shabani, kishte autorizuar ish-bashkëshortën e tij znj. Arbenita Shabani, e lindur në Kumanovë aktualisht me vend qëndrim në Angli, shtetase e Maqedonisë së Veriut, që pa prezencën e tij ta shoqëroj dhe kujdeset gjatë udhëtimit prej Kosovës për në shtetet e Bashkimit Europian (Maqedoni e Veriut, Gjermani, Zvicër e Angli dhe anasjetllas qoftë në rrugë ajrore apo tokësore për vajzën e tyre të mitur)”.
“Më datën 22 korrik 2024 është i pavlefshëm dhe nuk mund të prodhoj efekte juridike”, thuhet në dokument.
Noteri kishte këshilluar reperin që për veprim të revokimit të njoftohet edhe pala tjetër.
Përmes një postimi në Instagram reperi ka kërkuar ndihmën e mediave, duke pretenduar se ish-bashkëshortja e tij është duke i bërë padrejtësi me vajzën.
“Kam pasur dyshimet e mia për këtë, ka shkuar në Greqi e Turqi dhe dy shtete të tjera. Apet erdhi në Kosovë, momentalisht nuk gjendet në Kosovë. As Prokuroria e as Policia nuk e marrin në pyetje atë. Nuk ka të drejtë të marrë vajzën pa lejen time. Pasaporta në Maqedoni është e falsifikuar, është nxjerr pa lejen time”, ka thënë Fero për KlanKosova.
