Gjarpri më helmues në Evropë i futet në veturë llapjanit, para 2 ditësh u fotografua një tjetër në Prishtinë

Një gjarpër i llojit Vipera amodytes apo në shqip Nepërka helmuese, është shfaqur gjatë ditës së sotme në veturën e një banori të Podujevës.

Në pamjet e siguruara nga Llapi.info, nëpërka helmuese, shihet në motorin e veturës së banorit nga Podujeva.

Kjo ka shkaktuar frikë të madhe tek pronari i veturës.

Për këtë lloj të gjarprit dhe rrezikshmërinë nga ai, ditë më parë ka shkruar edhe fotografi i njohur Arian Mavriqi.

Ai kishte hasur në këtë lloj të gjarprit në fshatin Keçekollë të Prishtinës.

Madje, ai kishte porositur që të kenë kujdes të gjithë qytetarët nga ky lloj i gjarprit.