Haziri: Rinia e Gjilanit dhe Kosovës po dëshmohet në të gjithë botën me punë dhe kulturë
Kryetari i Komunës së Gjilanit, Lutfi Haziri, ka ndarë mirënjohje për bashkatdhetaren Saranda Matoshi, për kontributin e dhënë në komunitet dhe arritjet që ka shënuar në fushën e teknologjisë.
Haziri ka thënë se Saranda dikur ishte punëtore në administratën e Komunës së Gjilanit, e cila me angazhimin e saj dhe përkushtimin ndaj arsimimit e veçanërisht fushës së teknologjisë, sot është analiste ditore e databazës së të dhënave në kompaninë gjigante, në Microsoft, në Shtetet e Bashkuara të Amerikës.
Ai më tej ka potencuar se rinia e Gjilanit dhe Kosovës është një thesar i vërtetë që e kanë dëshmuar veten në të gjitha fushat, me punë, arsim dhe kulturë të lartë njerëzore, kudo që kanë jetuar dhe për këtë ka vlerësuar se janë krenaria e Gjilanit.
Ndërsa Saranda Matoshi ka falënderuar Komunën e Gjilanit e cila është mbeshtetëse e të rinjve kudo që ata jetojnë dhe i vlerëson e mirëpret ata gjithmonë që kthehen në vendlindje.
