Hidhet nga kati i tretë i spitalit, humb jetën 47-vjeçari

Një ngjarje e rëndë ka ndodhur në orët e para të mëngjesit të sotëm, ku një pacient është hedhur nga kati i tretë i Spitalit të Traumës dhe për pasojë ka humbur jetën.

Policia sqaron se personi ishte paraqitur ditën e djeshme për të marrë ndihmë mjekësore, pasi ishte vetëplagosur me mjet prerës, raporton panorama.al

“Më datë 25.02.2024, rreth orës 05:30, dyshohet se është vetëhedhur nga kati i 3-të i Spitalit të Traumës, shtetasi M. H., 47 vjeç, i cili si pasojë e dëmtime të marra ka ndërruar jetë.

Ky shtetas është paraqitur për ndihmë mjekësore në spital, më datë 24.02.2024, rreth orës 12:00, pasi është vetëplagosur me mjet prerës thikë, në Tepelenë.

47-vjeçari vuante nga probleme të shëndetit mendor, dhe sipas deklarimeve të familjarëve ka tentuar të vetëvritet dhe më parë”, thote policia.