Hoti kërkon dorëheqjen e kreut të AKI

Kreu i Qeverisë, Avdullah Hoti, ka kërkuar dorëheqjen nga detyra të kreut të AKI-së, Kreshnik Gashi, raporton Gazeta Express.

“Kryeministri i Republikës së Kosovës, z. Avdullah Hoti, i ka kërkuar z. Kreshnik Gashi, lirimin e detyrës së drejtorit të Agjencisë Kosovare për Inteligjencë (AKI)”, thuhet në njoftim.

Kreshnik Gashi është emëruar drejtor i Agjencisë Kosovare për Inteligjencë nga presidenti Hashim Thaçi dhe ish-kryeministri në largim, Ramush Haradinaj, më 25 nëntor 2019.

Para se të emërohej në këtë pozitë ai ka mbajtur pozita të larta institucionale dhe menaxheriale në sektorin publik.

Express raporton se Hoti e ka shkarkuar kreun e AKI.