IKSHPK: Ajri i ndotur kontribues kryesor në sulmet në zemër e problemet tjera shëndetësore

Instituti Kombëtar i Shëndetësisë Publike të Kosovës (IKSHPK), përmes një postimi në rrjetin social Facebook, ka njoftuar se cilësia jo e mirë e ajrit në Kosovë po kontribuon në disa probleme shëndetësore.

Prandaj sipas IKSHPK-së “është e domosdoshme të dijmë se ku dhe kur duhet të dalim. Rekomandimet e dhëna nga ekspertët e shëndetit publik ju ndihmojnë të merrni vendime të duhura dhe të kujdeseni për shëndetin tuaj”.

Njoftimi i plotë:

Cilësia jo e mirë e ajrit në Kosovë është ndër kontribuesit kryesorë për problemet shëndetësore si: astma, bronkiti kronik, sulmi në zemër dhe tensioni i lartë. Prandaj është e domosdoshme të dijmë se ku dhe kur duhet të dalim. Rekomandimet e dhëna nga ekspertët e shëndetit publik ju ndihmojnë të merrni vendime të duhura dhe të kujdeseni për shëndetin tuaj.

Për më shumë detaje shkarko aplikacionin për cilësi të ajrit, Air Quality in Kosovo, ose vizito portalin shtetëror të cilësisë së ajrit https://airqualitykosova.rks-gov.net/

Jepni edhe Ju kontributin tuaj që ajri të jetë më pak i ndotun! (foto: Armend Nimani)