Ish e dashura ruse e Don Xhonit tregon arsyet e ndarjes: Jemi të ndryshëm në shoqëri, besim, e në parime

Bukuroshja ruse Ariana Lirey, ka qenë mjaft e përfolur në mediat në Kosovë.

Kjo pasi ajo për një kohë të shkurtër pati një lidhje me reperin shqiptar, Don Xhon, me të cilin u nda disa muaj më vonë.

Tani që dyshja janë në rrugë të ndara, disa fansa kureshtarë e kanë pyetur Arianën për lidhjen e saj me reperin drenicas.

Në InstaStory ku ajo iu dha mundësinë fansave të parashtronin nga një pyetje, një prej ndjekësve e pyeti nëse është ende në kontakt me Xhonatanin.

“Por ju ende e doni atë, a e dinë familja e tij për lidhjen tuaj?”, pyeti një tjetër ndjekës më tutje.

Dhe bukuroshja Lirey nuk nguroi t’i përgjigjet duke shkruar: “Kur njerëzit duan, ata nuk largohen. Doli që ne ishim shumë të ndryshëm. Ne kemi qarqe të ndryshme shoqërore, interesi, besimi, parimi dhe nuk jam e lënduar. Jam mirë, ndaj e përfundojmë me këtë temë”, u përgjigj ajo.

Ndërsa vet Don Xhoni, nuk është hapur ndonjëherë në publik për të diskutuar mbi temën e Arianës, raporton telegrafi.