Ja si manipulohet afati i përdorimit të pekmezit

Në tregun kosovar dyshohet se ka shumë mallra me afat të skaduar, të cilat shiten të ri-ambalazhuara, ose duke ua fshehur afatin e përdorimit.

Madje, ka raste kur tregtarët arsyetohen se malli nuk është i prishur pse i ka skaduar afati.

Tani ec e merre vesh se kush është më i meritor për ta vlerësuar kohën e përdorimit të një malli, prodhuesi apo tregtari.

Në marketet tona gjen edhe prodhime si ky pekmez në Gjilan, ku afati i përdorimit mbulohet me ngjitës, për shkak se është mall i skaduar dhe që nuk duhej të ishte në shitje.

Inspektorët e tregut duhet t’i nuhasin truqet e tilla të tregtarëve dhe t’i zbulojnë e ndëshkojnë keqpërdorimet si ky me pekmez.