Kamerat e sigurisë vendosën në qytetin e Vitisë

Qyteti i Vitisë, tash e tutje do të ketë kamerat e sigurisë, të cilat janë ndihmesë e madhe në zbulimin e veprave kriminale.

Në këtë qytet të rajonit të Gjilanit, të shtunën janë vendosur kamerat e sigurisë, në kuadër të bashkëpunimit të komunës së Vitisë me UNMIK-un dhe policinë.

Kryetari i Vitisë, Sokol Haliti ka thënë se vendosja e kamerave ishte edhe kërkesë e banorëve, sepse rritet siguria në qytet.

Përndryshe kamerat e vëzhgimit janë vendosur në vendet më të frekuentuara të qytetit.