Kandidatja për deputete nga LDK’ja kërkon rinumërim të votave

Alma Lama, kandidate për deputete nga LDK në zgjedhjet e 14 shkurtit, ka kërkuar rinumërim të votave, raporton Gazeta Express.

Përmes një shkrimi në Facebook, Lama ka thënë se procesi zgjedhor do të jetë i rregullt nëse KQZ, vendos të rinumërojë votat e kandidatëve nëpër subjekte politike.

“Procesi zgjedhor do te jete i rregullt vetem nese KQZ vendos te rinumeroje votat e kandidateve neper subjekte politike!”, ka shkruar ajo.

Kujtojmë se në zgjedhjet e 14 shkurtit, Lëvizja Vetëvendosje, është subjekti fitues i këtyre zgjedhjeve me 47.85.

Në këtë përqindje nuk hyjnë votat e mërgimtarëve që janë dërguar me postë si dhe votat e personave me aftësi të kufizuara, pasi ato ende nuk janë numëruar.