Kësaj dashurie, në stilin shqiptar do t`i kënohej “Ti n`atë anë, unë n`ketë anë, në mes kemi…”

Një martesë e veçantë ka ndodhur në kufijtë mes dy shteteve, pasi një dhëndër suedez dhe nusja norvegjeze janë martuar edhe pse “të ndaluar” nga Covid-19.

Çifti e zhvilloi ceremoninë martesore në kufirin midis dy vendeve, që në stilin e këngës shqiptare do të thuhej “ti n`atë anë e unë në ketë anë, në mes kemi një kufi”, ndërkohë që të ftuarit qëndronin në secilën anë të kufirit, në përputhje me rregullat e koronavirusit.

Çifti tha për BBC se nuk mund të prisnin deri sa të hiqeshin kufizimet dhe se nuk dëshironin ta ndryshon datën e tyre të martesës.

“Nuk dëshironim të ndryshonim datën, gjithçka që donim ishte të martoheshim!”, siç citon Shqip shkrimin, kanë thënë ata.

Ata qëndruan në të dyja anët e kufirit, të ndarë me një fjongo të bardhë. Nusja, Camilla Oyjord tha se e kishte sugjeruar idenë si shaka, të cilës miqtë dhe familjarët iu përgjigjën pozitivisht. “Ne donim të ishim burrë e grua! Dashuria i mundi të gjitha”, tha Camilla.