KQZ certifikon LDK-në dhe të gjithë kandidatët e saj për zgjedhjet e 17 tetorit

Përfaqësuesi i  LDK-së në Komisionin Qendror të Zgjedhjeve (KQZ), Florian Dushi, ka bërë të ditur se KQZ-ja ka certifikuar Lidhjen Demokratike të Kosovës dhe të gjithë kandidatët e saj për pjesmarrje në zgjedhjet lokale të 17 tetorit.

Lajmin e ka bërë të ditur Dushi përmes një shkrimi në Facebook ku ka paraqitur edhe dokumentacionin përkatës.

“Lidhja Demokratike e Kosovës dhe të gjithë kandidatët e saj CERTIFIKOHEN nga ana e Komisionit Qendror të Zgjedhjeve për pjesëmarrje në Zgjedhjet lokale që do të mbahen më 17 tetor 2021.Fitore ✌”, shkruan Dushi.