Ky është i riu që vdiq sot në aksident komunikacioni

Kryetari i Klinës, Zenun Elezaj, ka publikuar foton e të riut që vdiq sot si pasojë e një aksidenti në fshatin Kijevë të Malishevës.

Elezaj përmes një shkrimi në Facebook ka treguar që i riu që vdiq sot është Bledar Mustafa.

“Sot një ditë e trishtë për Klinën. Tronditës e shumë i dhimbshëm lajmi për vdekjen e të riut nga Klina, Bledar Mustafajt, i cili ka ndërruar jetë si pasojë e një aksidenti në komunikacion, të ndodhur sot në fshatin Kijevë të Malishevës. Familjes Mustafa, miqve e shokëve të Bledarit ju shpreh ngushëllimet më të sinqerta”, ka shkruar Elezaj.

Në këtë aksident ku u përfshinë 5 vetura, mbetën të lënduar edhe 9 persona të tjerë.