LDK publikon emrat e kandidatëve për kryetarë në tetë komuna

Lidhja Demokratike e Kosovës (LDK) ka publikuar emrat zyrtarë të kandidatëve të saj për kryetarë në tetë Komuna.

Në njoftim bëhet e ditur se Kryesia e LDK-së ka aprovuar propozimet e degëve për kandidatë për kryetar të Komunave.

Këta janë kandidatët e zyrtarizuar sot nga LDK-ja:

– Sibel Halimi, kandidate për kryetare të Komunës së Ferizajt

– Armend Agolli, kandidat për kryetar të Komunës së Mitrovicës

– Teki Shala, kandidat për kryetar të Komunës së Gjakovës

– Mehmet Krasniqi, kandidat për kryetar të Komunës së Obiliqit

– Bedri Zeqiri, kandidat për kryetar të Komunës së Shtimes

– Anduena Gllareva, kandidate për kryetare të Komunës së Drenasit

– Shkëlqim Jakupi, kandidat për kryetar të Komunës së Kaçanikut

– Bajrush Ymeri, kandidat për kryetar të Komunës së Novobërdës.

Më herët janë zyrtarizuar edhe kandidatët për Gjilan – Lutfi Haziri, për Viti – Sokol Haliti, për Kamenicë – Jeton Biçkaj e të tjerë.