Ledri Vula publikon fotografinë e parë të vajzës së tij

Reperi i njohur shqiptar, Ledri Vula, para pak ditësh u bë baba për herë të parë. Ai dhe bashkëshortja e tij, Sara Hoxha, mirëpritën një vajzë të cilën tashmë e kanë pagëzuar me emrin, Poem Blu.

Krijuesi i hitit “Prej Inati” së fundmi ndau fotografinë e parë të vajzës së tij, ku me ç’rast ia zbuloi edhe emrin.

“Poem Blu”, ka qenë mbishkrimi i fotografisë së ndarë në llogarinë e tij personale, Instagram.

Në portretin e foshnjës së porsalindur nuk munguan urimet e të famshmëve shqiptarë, nga miqtë e ndjekësit e Vulës.

Ledri në anën tjetër në muajin tetor ia dedikoi edhe një këngë vajzës së tij të quajtur, “Si baba”.