Liburn Aliu: Qeveritë e kaluara e kanë shkatërruar vendin duke ndërtuar pa leje

Ministri i Mjedisit, Planifikimit Hapësinor dhe Infrastrukturës, Liburn Aliu, duke folur  rreth ndërtimit të rrugës Drenas-Skenderaj, ku ka kritikuar pararendësit e tij për keqmenaxhim të këtij projektit.

Ne seancen e sotme plenare, Aliu tha se Qeveria i ka borxh 180 milionë euro për shkak të shpronësimeve.Tutje ai thotë se gjithçka është bërë ad-hoc nga ish qeveritë.Ministri Aliu tha se rruga do të vazhdojë dhe do të vazhdojnë shpronësimet aty ku kanë mbetur.

“Në politikat e infrastrukturës nuk mundemi me gjet një vend më të pazhvilluar se Kosova dhe një ndër turpet është edhe rruga Drenas-Skenderaj sepse gjithçka është bërë pa plan, ad-hoc, sot qeveria i ka borxh 180 milionë euro për shkak të shpronësimeve kjo është një ndër pasqyrat më të mëdha të qeverive që kanë qenë deri tash, ajo rrugë do të vazhdojë dhe do të bëhen shpronësimet aty ku kanë mbetur tash. Qeveria e ka shkatërruar vendin sepse ka ndërtuar shume pa leje, nuk e kemi ndal buxhetin aspak”, tha Aliu.