Lirohen nafta e benzina me nga një e dy centë

Ministria e Industrisë, Tregtisë dhe Ndërmarrësisë ka publikuar tavanin e çmimeve të derivateve për 24 orët e ardhshme, ku vërehet një ulje e vogël.

Sipas vendimit të MINT, çmimi maksimal i lejuar për shitjen e naftës është 1 euro e 71 centë, i benzinës 1 euro e 56 centë dhe i gasit 78 centë.

Krahasuar me dje, nafta është liruar për 1 cent, kurse benzina për 2 centë. Çmimi i gasit ka mbetur i pandryshuar.

Këto çmime hyjnë në fuqi sot nga ora 10:00 dhe janë të vlefshme për 24 orë.